I Xornadas: Claves para unha boa saúde mental e física

Presentación

O Victoria FC, dentro das actividades do X Aniversario da súa sección feminina, presenta as I Xornadas “Claves para unha boa saúde mental e física”, unha iniciativa destinada a reforzar o compromiso do club coa formación nun contexto no que o coidado integral das persoas é esencial.

Estas xornadas nacen coa vontade de crear un espazo de formación, reflexión e encontro arredor do coidado da saúde física e mental no ámbito deportivo. Buscan ofrecer ferramentas sinxelas, prácticas e aplicables ao día a día, tanto dentro como fóra do deporte.

A actividade vai dirixida a xogadoras e xogadores, persoal técnico, familias e calquera persoa interesada en aprender como coidar e reforzar o seu benestar físico e emocional. Preténdese fomentar un espazo de aprendizaxe compartida onde deportistas, familias e profesionais poidan intercambiar experiencias e adquirir coñecementos útiles para unha práctica deportiva segura, consciente e saudable.

Obxectivos

• Proporcionar recursos para comprender mellor o funcionamento do corpo e as súas necesidades.
• Axudar a xestionar as esixencias físicas e emocionais tanto da práctica deportiva como da vida diaria.
• Ofrecer ferramentas que permitan incorporar hábitos saudables e sostibles no tempo.
• Sensibilizar sobre a importancia da saúde mental e emocional no rendemento deportivo e no benestar global.
• Crear un espazo accesible a persoas de todas as idades e niveis de práctica, favorecendo a inclusión e a aprendizaxe común.

Poñentes

Carlos Lago

Catedrático na Facultade de Ciencias da Educación e do Deporte da Universidade de Vigo

É autor de numerosos libros e publicacións en revistas internacionais sobre fútbol e deportes de equipo. Participa como docente en distintos Mestrados e Cursos de Especialización en entrenamento deportivo. Exerceu como asesor e analista en diversos clubes profesionais. Colaborador habitual de distintos medios de comunicación. Actualmente colabora con LaLiga e el Barça Innovation Hub. Está incluído na lista do 2% dos científicos máis citados do mundo na área de Ciencias do Deporte, the World's Top 2% Scientists. Ademais, é o investigador máis citado en Ciencias do Deporte en España. Director do Instituto de Investigación en Ciencias do Deporte da Universidade de Vigo.

Pendente de revelar

Proximamente

Irene Mirás

Dietista - nutricionista especializada en nutrición deportiva

Foi deportista de alto nivel en piragüismo donde comezou a súa vocación pola nutrición e, en especial, a nutrición deportiva. Actualmente traballa con deportistas de alto nivel e amateur de diferentes disciplinas. É, tamén, antropometrista ISAK II e conta con Máster en suplementación deportiva.

Pendente de revelar

Proximamente

Iria Miguens

Especialista en Medicina de Urxencias e Emerxencias

Responsable da secretaría de MUYEres na Sociedad Española de Medicina de Urgencias y Emergencias. Doutora en Medicina pola Universidade Autónoma de Madrid, 2024.Máster en Medicina de Urxencias e Emerxencias pola Universidade Complutense, 2016.Máster en Dereito Sanitario e Bioética pola Universidade de Castela a Mancha, 2012.

Pendente de revelar

Proximamente

Laura Sayagués

Médico Intensivista do Hospital Clínico Universitario de Santiago de Compostela (CHUS)

Especialista que trata a pacientes en estado crítico ou grave na unidade de cuidados intesivos. Vicecoordinadora autonómica do PNRCP. Doutora pola Universidade de Santiago de Compostela.

Pendente de revelar

Proximamente

María José Méndez

Profesora da Facultade de Ciencias da Educación da Universidade de Santiago de Compostela

Membro do Grupo Galego de Estudos para a Formación e a Inserción Laboral (GEFIL) e da Rede RIES (Rede de Inmigración, Educación e Sociedade). Formou parte do persoal científico do Instituto de Ciencias da Educación (ICE) da USC, no que foi coordinadora do Seminario Permanente de Emocionalidade, Xéneros e Desenvolvemento Humano (EXDEHU). Participou na organización das tres edicións do Curso de Especialización en Educación Emocional, dezaoito edicións do Curso de Verán Novas Fronteiras na Igualdade de Oportunidades e múltiples colaboracións con centros educativos e entidades formativas da Comunidade Autónoma de Galicia. Relatora en numerosas xornadas, encontros e cursos de formación vinculados ás súas principais liñas de investigación: titoría e orientación educativa, xéneros e coeducación, educación emocional e competencias docentes en formación profesional.

Pendente de revelar

Proximamente

Milena Villar

Profesora do Departamento de Pedagoxía e Didáctica da Facultade de Ciencias da Educación da Universidade de Santiago de Compostela

É membro do Grupo Galego de Estudos para a Formación e Inserción Laboral (GEFIL), do Instituto de Ciencias da Educación (ICE) e do Centro Interdisciplinario de Investigacións Feministas e de Estudos de Xénero (CIFEX). O seu traballo desenvólvese principalmente arredor das pedagoxías feministas e da coeducación. Así mesmo, centra a súa labor docente e investigadora na prevención do acoso sexual e por razón de xénero, orientación sexual e identidade de xénero, no enfoque ecofeminista na educación e no estudo das violencias de xénero, ámbitos dos que derivan a maior parte das súas publicacións e proxectos. Ten sido poñente en numerosas xornadas e encontros relacionados con estas temáticas.

Pendente de revelar

Proximamente

Plácido Mayán

Coordinador do Servizo de Urxencias no Hospital Clínico de Santiago de Compostela

Médico especialista en Medicina de Urxexncias. Profesor asociado da Universidade de Santiago de Compostela.

Pendente de revelar

Proximamente

Rosa Cerqueiro

Psicóloga clínica

Máis de 20 anos de experiencia clínica en diversos dispositivos asistenciais da rede sanitaria pública. Comprometida cos dereitos das persoas con problemas de saúde mental,participa como portavoz do Movemento Galego da Saúde Mental.

Pendente de revelar

Proximamente

Xesús Marque

Médico especialista en medicina do deporte

Responsable dos servizos médicos da SD Compostela (1988-2024), do Lobelle FS (2003-2012),do Santiago Futsal (2012-2020), do Meigas FS (2019-actualidade) e do Obradoiro CAB (1986-1990, 2009-2010, 2023-actualidade).

Pendente de revelar

Proximamente

Lidia Babarro e Raquel Duro

Graduadas en Fisioterapia pola Universidade da Coruña

Ambas manteñen unha forte vinculación co ámbito deportivo. Raquel destaca pola súa traxectoria como xogadora de fútbol e, tamén como adestradora. Lidia foi ximnasta a nivel nacional e, actualmente, exerce como xuiza de atletismo e ximnasia rítmica. Xuntas unen a experiencia clínica e deportiva para ofrecer unha visión integral da fisioterapia aplicada ao deporte.

Rexistro

• Prazas: 200 (cubriranse por rigorosa orde de inscrición).
• Prezo: 35€ (con importantes bonificacións dispoñibles).
• Prazos:
  - 1º prazo: 15/12/2025 a 15/01/2026 (ou ata completar aforo).
  - 2º prazo: 16/01/2026 a 24/02/2026 (ou ata completar aforo).
• Descontos aplicados a:
  - Socias/os do club
  - Adestradoras/es, xogadoras/es e familias do Victoria FC
  - Persoas inscritas no primeiro prazo
• Como inscribirse:
  1 - Completa o formulario de inscrición (activarase ao abrirse o prazo).
  2 - Unha vez validado polo equipo xestor, dispós de 48h para efectuar o pagamento.
• A inscrición inclúe:
  - Pack de benvida.
  - Acceso ás intervencións.
  - Servizo de café nas pausas.
  - Diploma de asistencia.

Podes inscribirte pulsando no seguinte botón.